BMTning Oziq-ovqat va qishloq xo‘jaligi tashkiloti (FAO) ma’lumotlari asosida Our World in Data platformasida 2025-yilda o‘rmon maydoni eng katta bo‘lgan davlatlar ko‘rsatkichlari e’lon qilindi.
Ma’lumotlarga ko‘ra, Rossiya 832,6 mln gektar o‘rmon maydoni bilan dunyoda birinchi o‘rinda turadi. Bu sayyoradagi jami o‘rmon maydonining qariyb beshdan bir qismi - 20,1 foiziga teng.
Ikkinchi o‘rinda Braziliya qayd etilgan - 486,1 mln gektar. Kanadada esa 368,8 mln gektar o‘rmon mavjud.
Keyingi o‘rinlarni AQSh - 308,9 mln gektar va Xitoy - 227,2 mln gektar bilan egallagan.
Shuningdek, eng yirik o‘rmon maydoniga ega davlatlar qatoriga Kongo Demokratik Respublikasi - 139,2 mln gektar, Avstraliya - 133,6 mln gektar, Indoneziya - 96 mln gektar, Hindiston - 72,7 mln gektar va Peru - 67,2 mln gektar bilan kirgan.
Keyingi pog‘onalarda Meksika - 66,3 mln gektar, Angola - 63,3 mln gektar, Kolumbiya - 59,5 mln gektar, Boliviya - 54,4 mln gektar va Venesuela - 47,1 mln gektar joylashgan.
Rossiyada o‘rmon maydonining kattaligi mamlakat geografiyasi bilan bog‘liq. Uning katta qismi Sibir bo‘ylab cho‘zilgan ulkan boreal, ya’ni tayga o‘rmonlaridan iborat.
FAO ma’lumotlariga ko‘ra, dunyodagi o‘rmonlarning umumiy maydoni 4 mlrd gektardan oshadi va ular sayyora quruqlik maydonining 32 foizini egallaydi. Rossiya, Braziliya, Kanada, AQSh va Xitoyning o‘ziga dunyo o‘rmonlarining yarmidan ko‘pi to‘g‘ri keladi.
Dunyodagi eng «yashil» 15 davlat reytingi tuzildi
09:122 3132 min
2025-yil yakunlari bo‘yicha o‘rmon maydoni eng katta bo‘lgan davlatlar reytingida Rossiya yetakchilik qildi. Mamlakatda 832,6 mln gektar o‘rmon mavjud. Keyingi o‘rinlarni Braziliya va Kanada egallagan. Dunyodagi barcha o‘rmonlarning yarmidan ko‘pi esa beshta davlat hissasiga to‘g‘ri keladi.
