Manbalardan biriga ko‘ra, Haydarovning bo‘shatilishi qo‘l ostidagi xodimga og‘ir tan jarohati yetkazgani bilan bog‘liq.
Kun.uz ichki ishlar vazirining matbuot kotibi Shohrux G‘iyosovga so‘rov yubordi. U mazkur xabarni tasdiqlamadi, shu bilan birga inkor ham etmadi.
Ichki ishlar xodimiga tan jarohati yetkazilgani haqidagi axborot yuzasidan bosh prokurorning matbuot kotibi Hayot Shamsutdinov Kun.uz so‘roviga javob bermadi.
Farrux Ubaydullayevich Haydarov Sirdaryo viloyati IIB boshlig‘i lavozimiga 2025-yil mart oyida tayinlangan; keyinroq polkovnik unvonini olgan.
U 1983-yil Qozog‘istonda tug‘ilgan, 2004-yilda IIV Akademiyasini tamomlagan. Faoliyati davomida Toshkent shahar Mirzo Ulug‘bek va Yakkasaroy tumanlarida IIB boshlig‘i lavozimlarida ham ishlagan.
