Toshkent viloyati Quyi Chirchiq tumanida voyaga yetmagan qizni kaltaklagan ayol jinoiy jazoga tortildi. Kun.uz sud hujjati bilan tanishdi.

“Xizmat uyida ushlab oldim”

Sud hukmida keltirilishicha, 1993-yilda tugʻilgan X.T. (ayol) 2026-yil 10-may kuni profilaktika inspektori boʻlib ishlaydigan turmush oʻrtogʻiga ajratilgan xizmat uyiga borgan. Xizmat uyi tumanning Paxtazor mahallasida joylashgan boʻlgan.

X.T. erini xizmat uyida voyaga yetmagan (2009-yilda tugʻilgan) qiz bilan ushlab olgan. Bundan jahli chiqib, qizni kaltaklagan.

Ayol sudda qilmishiga iqrorlik bildirgan.

“Turmush oʻrtogʻim profilaktika inspektori lavozimida ishlab keladi. Uning Quyi Chirchiq tumani Paxtazor mahallasida xizmat uyi bor edi. 2026-yil 10-may kuni soat 15:00 larda bolalarim bilan birga turmush oʻrtogʻimga biriktirilgan xizmat uyiga bordim.

Koʻchada turmush oʻrtogʻimning mashinasi yoʻqligi uchun uni ishda boʻlsa kerak deb oʻylab, kalit bilan eshikni ochdim va uyga kirdim. Shu vaqtda turmush oʻrtogʻim yalangʻoch holatda turganini, xonada qizimning oʻyinchoq uychasi ichida yoshroq ayol kishi kiyimsiz yashirinib oʻtirganini koʻrdim.

Jahlim chiqib, qizni bir necha marotaba urdim. Turmush oʻrtogʻim bizni ajratib qoʻydi. Soʻng qiz koʻchaga chiqib ketdi. Jahl ustida yana uning ortidan yugurib borib, qoʻllarim bilan yuziga urdim, tepdim”, degan ayol suddagi koʻrsatmasida.

X.T. qizning voyaga yetmaganini bilmaganini aytib, suddan yengillik soʻragan.

“Qoʻrqitib, jinsiy aloqa qilgan”

Sudda qonuniy vakili ishtirokida soʻralgan jabrlanuvchi jiddiy koʻrsatma bergan. Yaʼni, qiz profilaktika inspektori uni qoʻrqitib, jinsiy aloqa qilib kelganini aytgan.

“2025-yil mart oyida dugonam maktabda qizlar bilan tortishib qolgani sababli menga Tinchlik mahallasida joylashgan 1-sonli IIBga borib kelaylik, dedi. U yerda bizni I. ismli profilaktika inspektori qabul qildi. Shunda u bilan tanishgandim. Shundan soʻng, meni qoʻrqitib, jinsiy aloqada boʻlib keldi.

2026-yil 10-may kuni soat 14:00 larda I. telefon qildi. Soʻng uchrashib, mashinasiga oʻtqazdi va toʻgʻri xizmat uyiga olib bordi. U yerda meni qoʻrqitib jinsiy aloqa qildi. Shu payt tashqaridan I. akaning turmush oʻrtogʻi kirib kelib, urishib ketdi. Keyin meni ham sochimdan ushlab, sudrab, urib tashladi