Özbekiston Mudofaa vazirligi nomini tilga olmagan holda «havo sarhadlarimizni qöriqlayotgan zamonaviy qiruvçi samolyotlar»ni namoyiş qildi.
Uşbu samolyotlar Xitoyda işlab çiqarilgan J-10 qiruvçi samolyotining eksport versiyasi - J-10CE hisoblanadi.
Vazirlik hozirça ularning soni, texnik xususiyatlari va narxi borasida maʼlumotlar bermadi.
Kun.uz iyul oyining oxirida xitoylik harbiy kuzatuvçilar va oçiq manbalar tahlilçilariga tayanib, Özbekiston Harbiy-havo kuçlari safiga yana törtta J-10CE qiruvçi samolyoti qöşilgani haqida yozgandi. Öşanda rasmiy Toşkent ham, Pekin ham bu maʼlumotlarni tasdiqlamagan va rad ham qilmagandi.
Markaziy Osiyo osmonida harbiy muvozanatning özgarişi olib kelişi kutilayotgan uşbu xabar bunga qadar ham mintaqada keng muhokamalarga sabab bölgandi.
J-10CE qanday samolyot?
Tahlilçilarga köra, texnik jihatdan bu qiruvçi samolyot Özbekiston armiyasini sifat jihatidan yangi bosqiçga olib çiqadi. Bir örinli Chengdu J-10CE – 4,5 avlod qiruvçi samolyoti bölib, 2 Max – 2300 km/soat tezlikka çiqa oladi. U faol fazali antennaga ega radar (AESA) bilan jihozlangan bölib, bir vaqtning özida bir neçta nişonni kuzatiş va ularga zarba beriş imkonini beradi. Özbekiston harbiy havo kuçlarida foydalanayotgan, sovetlardan qolgan MiG-29 va Su-27 samolyotlaridagi eski radarlar bunga qodir emas.
Xitoy qiruvçisining asosiy quroli - PL-15E raketasi 100 kilometrdan ortiq masofada nişonlarga möljalga oladi. Qiruvçida 11 ta osma nuqta (hardpoints) - qurol va uskunalar ilinadigan tugunlar bor. Ularga havo-havo, havo-yer va havo-kema tipidagi qurollarni iliş mumkin. Bu esa samolyotga turli nişonlariga zarba berişda universallik beradi.
