Oʻzbekistonda turistik yigʻim sohaning iqtisodiy xususiyatlaridan kelib chiqqan holda qayta koʻrib chiqiladi. Bu – davlat rahbarining tadbirkorlar bilan ochiq muloqotida belgilangan vazifalarni amalga oshirishga oid farmonida belgilandi.
Farmonga koʻra, turistik yigʻim miqdori joylashtirish vositalarining xona va oʻrinlari sotilish narxiga qarab belgilanadi hamda barcha uchun yagona stavka joriy etiladi.
Shuningdek, mehmonxonalar uchun avtoturargohga oid majburiy talablar ham qayta koʻrib chiqiladi, jumladan, bu talablar infratuzilmadan kelib chiqib belgilanadi.
Turoperatorlarga 10 nafardan ortiq sayyohlik guruhlari uchun sotib olingan madaniy meros obyektlariga kirish chiptalari uchun 30 foizgacha chegirma berish rejalashtirilmoqda.
Uch oy ichida yuqoridagilarni nazarda tutuvchi prezident qarori loyihasi tayyor boʻlishi kerak.
