31-avgust kuni «Tashabbusli byudjet»da ovoz berish jarayoni yakunlandi. Iqtisodiyot va moliya vazirligiga koʻra, jarayonlarda mamlakat boʻylab jami 10 mln 124 mingta ovoz berildi.

Ovoz berish yakunlariga koʻra, qiymati 3,1 trln soʻmga teng jami 2195 ta loyiha gʻolib deb topildi. Shulardan 2059 tasi anʼanaviy, 136 tasi esa sheriklik loyihalari boʻldi.

Gʻolib loyihalarning aksariyatini ichki yoʻllarni (piyodalar yoʻlakchasi, yoʻl oʻtkazgichlar) taʼmirlash (1022 ta), umumtaʼlim maktablarini (476 ta) va sogʻliqni saqlash muassasalarini taʼmirlash va moddiy-texnika bazasini rivojlantirish (173 ta) tadbirlari tashkil qiladi.