Iqtisodiyot va moliya vazirligi xabariga koʻra, Oliy Majlis Qonunchilik palatasi deputatlari tomonidan 346 ta loyiha qoʻshimcha gʻolib deb topilgan. Bu loyihalarni moliyalashtirish uchun jami 240,3 mlrd soʻm yoʻnaltirildi.
Xalq deputatlari tuman (shahar) kengashlari qarorlariga koʻra, mahalliy byudjetning qoʻshimcha mablagʻlari hisobidan 71 ta loyiha qoʻshimcha gʻolib deb eʼlon qilindi. Bu loyihalarni moliyalashtirish uchun jami 101,0 mlrd soʻm yoʻnaltirildi.
Maʼlumot uchun: amaldagi tartibga koʻra, xalq deputatlari tuman (shahar) kengashlari mahalliy byudjetning qoʻshimcha mablagʻlari hisobidan navbatdagi loyihalarni qoʻshimcha tarzda gʻolib deb eʼlon qilish vakolatiga ega.
Shu tariqa, joriy yilgi 2-mavsum yakunlari boʻyicha umumiy qiymati 3,3 trln soʻm boʻlgan jami 2 612 ta loyiha gʻolib deb topildi.
