Yevropaning beshta yetakchi chempionati - Angliya Premyer-ligasi, Ispaniya La Ligasi, Italiya A Seriyasi, Germaniya Bundesligasi va Fransiya 1-ligasida yozgi transfer oynasi yopildi.
Futbol tarixidagi eng qimmat oʻnta transferdan uchtasi shu yozda amalga oshirildi va ularning barchasi Angliya Premyer-ligasi doirasida roʻy berdi - gap Enso Fernandes, Morgan Rojers va Elliot Andersonning transferlari haqida bormoqda.
Bu yozda 100 million yevrodan oshgan transferlar
Bu yozda eng katta summa toʻlangan olti nafar futbolchidan besh nafari Angliya Premyer-ligasi klublari safiga borib qoʻshildi, faqat bir nafari Ispaniya La Ligasiga oʻtdi.
«Chelsi»dan «Manchester Siti»ga 145 mln yevro evaziga oʻtgan argentinalik yarimhimoyachi Enso Fernandes joriy mavsumdagi eng qimmat transferlar roʻyxatida birinchi oʻrinni egalladi.
Ikkinchi oʻrinda «Aston Villa»dan «Chelsi»ga 138 mln yevro evaziga oʻtgan angliyalik yarimhimoyachi Morgan Rojers qayd etildi.
Uchinchi pogʻonani «Nottingem Forest»dan «Manchester Siti»ga 135 million yevro evaziga koʻchib oʻtgan angliyalik yarimhimoyachi Elliot Anderson band qildi.
«PSJ»dan «Liverpul»ga 125 million yevro evaziga oʻtgan fransiyalik chap qanot vingeri Bredli Barkolya toʻrtinchi oʻrindan joy oldi.
Joriy yozdagi eng qimmat beshta kelishuvni Yan Diomandning transferi yakunlab berdi: Madrid klubi «Leypsig» himoyachisi uchun 125 million yevro toʻladi.
