Bugun, 5-sentabr soat 19:24 da Toshkent shahridagi 35 kV kuchlanishli L-P-Yu-1 elektr uzatish tarmogʻi himoya tizimi ishlashi oqibatida favqulodda oʻchdi.
Natijada Chilonzor tumanining ayrim hududlari isteʼmolchilari elektr taʼminotida uzilishlar kuzatilmoqda, deya xabar berdi “Milliy elektr tarmoqlari” AJ.
Maʼlum qilinishicha, ayni paytda maxsus brigada tomonidan sodir boʻlgan nosozlikni aniqlash va bartaraf etish ishlari olib borilmoqda.
Isteʼmolchilarga zaxira manbalar orqali kuchlanish berish choralari koʻrilmoqda.
