Amerika yetakchisining kuyovi Jared Kushner AQSH prezidenti Donald Tramp tinchlikka erishish uchun harakatlar toʻplamini tayyorlashga topshiriq berganini aytdi. U bu haqda Kiyevda Ukraina prezidenti Volodimir Zelenskiy bilan oʻtkazilgan muzokaralardan soʻng maʼlum qildi.
«Prezident Trampning vazifasi va bizning Stiv bilan shugʻullanayotgan ishimiz - tinchlik paketini tayyorlash», - dedi u.
Kushnerning qayd etishicha, Tramp Rossiya va Ukraina orasida «dushmanlik boʻlmasligi, ularning ulkan salohiyatga ega boʻlishi va bir-biri bilan yovlashish oʻrniga manfaat topishlariga erishish»ni istaydi.
Uchrashuv chogʻida davomli tinchlik unsurlari qanday boʻlishi kerakligi va Ukraina, Rossiya hamda butun dunyo uchun buning qanday foydasi borligi muhokama qilindi, dedi u.
Kushnerning qoʻshimcha qilishicha, uch tomonlama muzokaralarga qaytish samarali qadam boʻladi.
«Biz Stiv bilan yarim yilcha avvalgidek uch tomonlama shaklga qaytish juda foydali boʻlardi deb hisoblaymiz. Biz ikkala tomon bilan ham muzokara oʻtkazdik va tez orada olgʻa siljish boʻladi deb umid qilamiz», - dedi u.
Axios nashrining Kiyevdagi muzokaralarda qatnashgan manbasining soʻzlariga koʻra, Kushner va Uitkoff tomonlar bilan «yangilangan» tinchlik taklifi ustida ishlash niyatida.
«Agar barcha manfaatdor tomonlar tegishli qadamni tashlashsa, vaziyat yaxshi tomonga oʻzgarishi mumkin», - degan u.
Uitkoff va Kushner 6-sentabr kuni Kiyevga kelishdi. Bundan avval esa ular Moskvada prezident Vladimir Putin bilan uchrashuv oʻtkazishdi. Uchrashuv qariyb uch soat davom etdi.
