Ukraina dronlari birinchi marta Rossiyaning Yamal-Nenets avtonom okrugiga hujum qildi, deb xabar berdi gubernator Dmitriy Artyuxov.
Noviy Urengoyda dron boʻlaklari qulashi oqibatida sanoat obyektida yongʻin kelib chiqdi. Halok boʻlganlar va jarohatlanganlar yoʻq.
Uraldagi prezident vakili Artyom Joganing maʼlum qilishicha, Ukraina droni Yamal yoqilgʻi-energetika majmuasidagi obyektga hujum qilishga uringan.
Noviy Urengoy Ukraina chegarasidan taxminan 2800 kilometr masofada joylashgan. Bu esa Ukraina Qurolli Kuchlari Rossiyaga eng uzoq masofali zarbani berganini anglatadi.
«Agentstvo» nashrining qayd etishicha, Ukraina dronlari Rossiya gaz qazib olishining 80 foizi toʻgʻri keladigan mintaqaga ilk bor yetib borgan.
