Qoraqalpogʻistonni ijtimoiy-iqtisodiy rivojlantirish masalalariga bagʻishlangan yigʻilish yakunida Amanbay Orinbayevning xizmatlari eʼtirof etildi.
Unga ichki ishlar organlari tizimidagi koʻp yillik samarali mehnati, Qoraqalpogʻistonni har tomonlama rivojlantirish, aholi farovonligi, xavfsizligi va osoyishta hayotini taʼminlash, jamiyatda mehr-oqibat, ahillik va totuvlikni asrash hamda mustahkamlash borasidagi katta xizmatlari uchun davlat rahbari tomonidan general-mayor maxsus unvoni berildi.
Maʼlumot uchun, Amanbay Tleubayevich Orinbayev 2016-2017 yillarda Nukus shahar IIB boshligʻi boʻlgan. 2017-yil mayidan Qoraqalpogʻiston IIV Jinoyat qidiruv boshqarmasi boshligʻi, 2019-yil martidan 2020-yil fevraligacha Qoraqalpogʻiston Respublikasi Ichki ishlar vazirining jamoat tartibini saqlash boʻyicha oʻrinbosari lavozimida faoliyat yuritgan. Keyingi ikki yil IIV Jamoat tartibini saqlash xizmati boshligʻining birinchi oʻrinbosari boʻlgan, 2022-yil martida Qoraqalpogʻiston ichki ishlar vaziri etib tayinlangandi.
2022-yil iyulidan Qoraqalpogʻiston Respublikasi Vazirlar Kengashi raisining Ekologiya va Orolboʻyi hududlarini rivojlantirish masalalari boʻyicha birinchi oʻrinbosari boʻlgan Amanbay Orinbayev 2022-yil avgust oyida Qoraqalpogʻiston Respublikasi Joʻqorgʻi Kengesi raisi lavozimiga tasdiqlangandi.
