Shaxmat boʻyicha Oʻzbekiston erkaklar asosiy jamoasi Samarqandda oʻtkazilayotgan shaxmat Olimpiadasida gʻolibona yurishini davom ettirmoqda.
23-sentabr kuni 7-tur uchrashuvlari doirasidagi markaziy bahsda mezbonlar toʻrtligi Xitoydan kelgan raqiblarga qarshi dona surdi.
Oʻzaro bahs oldidan Xitoy Armaniston bilan (11 tadan ochko toʻplagan holda) turnir jadvalida Oʻzbekistonning (12 ochko) eng yaqin taʼqibchilaridan biri boʻlib turgandi.
Dastlab Javohir Sindarov Vey I bilan, Muhiddin Madaminov Hu Hiangyu bilan durangga imzo chekdi – 1:1.
Hal qiluvchi bahslarda esa Nodirbek Abdusattorov 17-jahon chempioni Ding Lirenni, 6-tur qahramoni Nodirbek Yoqubboyev Yu Yangyuni taslim etdi va yakuniy hisob 3:1 koʻrinishini oldi.
Bu gʻalabadan keyin Oʻzbekiston-1 jamoasi ochkolari sonini 14 taga yetkazdi va turnir jadvalidagi yakkapeshqadamligini davom ettirdi.
Oʻzbekiston jamoasi 7 turda 7 gʻalabaga erishgan: bungacha Yamayka (4:0), Peru (3,5-1,5), Avstriya (3,5-1,5), Turkiya (2,5-1,5), Vengriya (4:0) va Hindiston (2,5-1,5) magʻlubiyatga uchratilgandi.
