Film Amir Temurning bolalik davri, uning shakllanish yillari va kelajakdagi buyuk siymo sifatida voyaga yetishi haqida hikoya qiladi.
Madaniyat vaziri maslahatchisi Rauf Nabiyev va “Raqamli Sanʼat” ijodiy birlashmasi jamoasi ushbu AI film orqali xalqimizning boy tarixiy merosini butunlay yangi, vizual jihatdan mukammal formatda dunyoga namoyish eta oldi.
Ushbu muvaffaqiyat ortidan xalqaro maydonda Oʻzbekistonga boʻlgan qiziqish yanada ortdi va “AI Film Awards” tashkilotchilari festivalning navbatdagi global anjumanini aynan Oʻzbekistonda oʻtkazish tashabbusini ilgari surdi.
Hozirda Madaniyat vazirligi hamda “Raqamli Sanʼat” ijodiy birlashmasi tashkilotchilar bilan ushbu festivalni kelgusi yili mamlakatimizda tashkil etish masalasini muhokama qilmoqda.
Kann, Dubay, Parij, Marokash va Venetsiya kabi dunyoning yirik kino markazlari mezbonlik qilgan nufuzli anjuman, kelgusi yili Toshkentda dunyoning eng kuchli raqamli sanʼat ijodkorlarini birlashtirishi mumkin.
