Naked Science nashrida keltirilgan Visual Capitalist infografikasi BMT Oziq-ovqat va qishloq xoʻjaligi tashkiloti - FAOʼning 2024-yilgi maʼlumotlari asosida tayyorlangan.

Reyting azotli, fosforli va kaliyli oʻgʻitlar eksportini qamrab oladi. Bunda hajmlar tayyor mahsulotning umumiy ogʻirligi boʻyicha emas, uning tarkibidagi ozuqa moddalari miqdori boʻyicha hisoblangan.

Eng yirik toʻrt eksportchining koʻrsatkichlari quyidagicha:

Oʻrin

Mamlakat

Eksport hajmi, ozuqa moddalari hisobida

1

Rossiya

23,2 mln tonna

2

Kanada

14,4 mln tonna

3

Marokash

12,2 mln tonna

4

Xitoy

10,1 mln tonna

Matnda AQShning oʻgʻit eksporti 6,4 million tonna, Qatarniki 2,5 million tonna, Belarusniki esa 2,4 million tonna ekani ham keltirilgan.

Fermerlar oʻgʻitlardan tuproqdagi ozuqa moddalarini toʻldirish va ekinlar oʻsishini taʼminlash uchun foydalanadi. Ularni sanoat miqyosida ishlab chiqarish esa mineral xomashyo konlari va energiya resurslaridan foydalanish imkoniyatiga bogʻliq.