«Korzinka» supermarketlar tarmogʻi va payme toʻlov xizmati Korzinka Plus kartasini rasmiylashtirish hamda xaridlar uchun toʻlash jarayonini yanada qulaylashtirdi. 21-sentabrdan boshlab payme foydalanuvchilari kartani bevosita ilovada rasmiylashtirishlari mumkin boʻladi. Karta ochilgandan soʻng, u avtomatik ravishda payme platformasiga qoʻshiladi, shuning uchun foydalanuvchilardan qoʻshimcha amallar bajarish yoki boshqa xizmatlarga oʻtish talab etilmaydi, bu esa vaqtni tejaydi va kartaning olinishini osonlashtiradi.
Yangi imkoniyat «Korzinka» va payme oʻrtasidagi hamkorlikni yanada rivojlantirib, sodiqlik kartasini rasmiylashtirish va xaridlar uchun toʻlash amallarini bitta ilova doirasida birlashtiradi.
Korzinka Plus kartasi payme ilovasiga qoʻshilganda, foydalanuvchilarga «Keyinroq toʻlash» xizmatining maxsus shartlari taqdim etiladi, yaʼni:
• «Korzinka» tarmogʻidagi xaridlarga 30 kun ichida ortiqcha xarajatlarsiz toʻlash mumkin boʻladi;
• agar avvalroq boshqa sodiqlik kartalari xizmatga ulanmagan boʻlsa, joriy tasdiqlangan kechiktirish limiti 100 000 soʻmga oshiriladi.
Ushbu shartlardan foydalanish uchun payme xizmatidagi «Sodiqlik kartalari» boʻlimiga Korzinka Plus kartasini qoʻshish va toʻlov paytida «Keyinroq toʻlash» xizmatini tanlash kifoya.
«Korzinka» mijozlari uchun payme ilovasida uzoq vaqtdan beri 30 kungacha boʻlib toʻlash limiti mavjud. Agar biror sabab tufayli hali sizda Korzinka Plus kartasi boʻlmasa, endi uni toʻgʻridan toʻgʻri payme ilovasining oʻzida rasmiylashtirishingiz mumkin”, - dedi «Korzinka» supermarketlar tarmogʻi marketing departamenti direktori Malik Karimov.
Xaridlar uchun payme go orqali toʻlov amalga oshirilganda, quyidagi bonuslar avtomatik ravishda hisoblanadi:
• Korzinka Plus kartasiga 3% gacha keshbek;
• payme xizmatidagi keshbek balansiga +1% (payme plus obunasi bilan sarflash mumkin, birinchi oy bepul);
• Soliq ilovasida +1% keshbek.
Ilovalarni quyidagi havolalar orqali yuklab olish mumkin: payme
