Ispaniya chempionati, 8-tur
«Real» – «Vilyarreal» 1:0
Gol: Diomande, 62 (1:0)
«Real»: Kurtua, Konate, Ryudiger, Karreras (Kukurelya, 46), Aleksandr-Arnold (Vinisius Junior, 52), Valverde, Tchuameni, Bellinghem, Diomande (Dumfris, 86), Arda Guler (Kamavinga, 77), Mbappe
«Vilyarreal»: Gulachi, Navarro, Veyga, Kardona (Moreno, 67), Frimen, Foyt (Romero, 56), Guye, Komesanya (Saliba, 56), Moleyro (Al Jimiliy, 86), Ahomash (Oluvaseyi, 67), Peres
Ogohlantirishlar: Bellinghem, 19. Konate, 81. Ryudiger, 83. Tchuameni, 87. Mbappe, 90 – Veyga, 10. Navarro, 84
Chetlatish: Vinisius Junior, 73
La liganing 8-turida «Real» va «Vilyarreal» oʻrtasidagi oʻyin (1:0) katta mojaroga aylandi. Oʻyinning 71-daqiqasida madridliklar klubi hujumchisi Vinisius Junior gol urdi, ammo gol bekor qilindi va futbolchining oʻzi maydondan chetlatildi.
Yozda «Arsenal»ga oʻtib ketishi mumkin boʻlgan, yakunda Madrid klubi bilan shartnomasini yangilab olgan Vinisius mavsum startida ishonchsiz oʻynamoqda. Shu tufayli Joze Mourinio uni ilk bor zaxira oʻrindigʻida qoldirdi. Uni toʻgʻri tushunish mumkin: braziliyalik forvard bu mavsum barcha turnirlar doirasidagi toʻqqiz oʻyinda atigi bir gol urdi. Natijada boshlangʻich tarkibda uning oʻrniga Yan Diomande tushirildi.
Yulduzli braziliyalik baribir 52-daqiqada zaxiradan oʻyinga qoʻshildi, ammo toʻgʻridan toʻgʻri pozitsiya boʻyicha raqobatchisini emas, himoyachi Trent Aleksandr-Arnoldni almashtirdi. Albatta, u himoyada oʻynamadi va hujumning chap qanotiga joylashdi. 62-daqiqada esa u tushgach oʻng qanotga koʻchgan Diomande hisobni ochdi – bu ivuarlik vingerning «Real» safidagi debyut goli boʻldi.
Avvaliga hakam golni inobatga olmagandi, ammo VAR aralashuvi bilan hujumda hech qanday qoidabuzarlik boʻlmagani tasdiqlandi.
Ammo videohakamlarning oʻyinga keyingi aralashuvi «Real» zarariga boʻldi. 71-daqiqada Vinisius ham darvozani ishgʻol etib, raqobatchisiga javob qaytargandi, ammo barchasi u uchun yomon yakunlandi.
Holbuki Joze Mourinio qizil olish xavfi borligiga qaramay, 26 yoshli futbolchisini tabriklash uchun maydonga chiqib kelgandi (u oldinroq hakam bilan bahslashgani uchun sariq kartochka olib boʻlgandi).
