Xitoyning Alibaba kompaniyasi arxi $450 dan boshlanadigan Qwen asosidagi ikkinchi avlod «aqlli» koʻzoynagini taqdim etdi, deb yozdi Bloomberg.
Qurilmaning jami ikkita - N1 va N1 Pro versiyasi mavjud. Ikkinchisi qoʻshimcha ravishda nigohni kuzatish tizimi bilan jihozlangan boʻlib, koʻzoynak foydalanuvchi qaysi obyektga qarayotganini aniqlay oladi, uni sunʼiy intellekt yordamida taniydi va u haqida maʼlumot beradi.
N1 Pro, shuningdek, koʻzning rangdor pardasi orqali tasdiqlanadigan toʻlovlarni qoʻllab-quvvatlaydi hamda salomatlik koʻrsatkichlarini, jumladan, puls, qondagi kislorod darajasi va teri haroratini kuzatib boradi.
Kompaniyaning taʼkidlashicha, kutish rejimida koʻzoynak bir quvvat bilan 25 soatgacha, musiqa tinglanganda esa toʻqqiz soatgacha ishlashi mumkin. Koʻzoynak bandlaridagi akkumulyatorlar esa almashtiriladigan qilib ishlangan.
Boshlangʻich N1 versiyasining narxi - $450, N1 Pro esa - $523. Xitoyda koʻzoynaklar allaqachon sotuvga chiqarilgan, qurilma boshqa mintaqalarda qachon paydo boʻlishi esa nomaʼlum.
