Shohruhxon “Vahshiy” filmiga saundtrek kuyladi

Rejissyor Ozod Shamsning yangi suratga olgan “Vahshiy” nomli filmiga xonanda Shohruhxon tomonidan saundtrek kuylandi. “Yig‘lama” deb nomlangan ushbu saundtrekka klip ham suratga olinib, ayni damda internet saytlari orqali taqdim etilmoqda. Trek yo‘nalishida taqdim etilgan klipda “Vahshiy” filmi voqeliklari ham o‘rin olgan. Klipda bosh rollarni Asal Shodiyeva hamda Shohruhxon ijro etgan.

Film haqida qisqacha ma'lumot:

“Vahshiy” filmi insoniylik tuyg‘ular, mehr-oqibatni unutmaslik, bu dunyoning “qaytar” ekanligini o‘z g‘oyasida singdirib, tomoshabinni mushohadaga chorlaydi. Ayni damda filmning suratga olish ishlari yakunlanib, premerasi esa may oylarida bo‘lib o‘tishi kutilmoqda.

Operator Anvar Adilov. Bosh rollarni Asal Shodiyeva, Mirabror Mirhalilov, Hamid Toshpo‘latov, Suleyman Iskandarov, Aziz Rametov, Shohida Ismoilova, Jamila G‘ofurovalar ijro etgan.