Blekautning biznesga yetkazgan zarari nega ochiqlanmadi? Sherzod Xo‘jayev izoh berdi
2022 yilning 25 yanvarida butun O‘zbekiston bo‘ylab elektr energiyasi uzilib qolgandi. Oradan 8 oy o‘tgan bo‘lsa-da, blekautning biznesga yetkazgan zarari haqida ma’lumot berilmadi. Kun.uz savoliga javoban energetika vaziri o‘rinbosari Sherzod Xo‘jayev buning sabablari haqida gapirdi.

Foto: Investitsiyalar va tashqi savdo vazirligi axborot xizmati
18 avgust kuni prezidentning tadbirkorlar bilan uchrashuvi doirasida “Tadbirkorlar bilan muloqot haftaligi”ning ikkinchi kuni bo‘lib o‘tdi. Unda energetika vaziri o‘rinbosari Sherzod Xo‘jayev ham ishtirok etdi.
Kun.uz muxbirining 8 oy ilgari yuz bergan blekautning biznesga yetkazgan zarari nima sababdan ochiqlanmaganiga oid savoliga javoban, Xo‘jayev bu hisoblash metodikasi yo‘qligi bilan izohlanishini ma’lum qildi.
“Bizda blekautning biznesga yetkazgan zararini hisoblash metodikasi yo‘q, shuning uchun yangi qoidalarni kuchga kiritishimiz kerak. Unda elektr energiyasidagi uzilishlar natijasida biznes ko‘rgan zararni hisoblash va qoplab berish tartibi ham aks etadi. Tadbirkorlardan takliflar kelib tushsa, shu qoidalarni o‘zgartiramiz”, – dedi vazir o‘rinbosari.
Xo‘jayev panel sessiyasidagi nuqtida ham aynan elektr energiyasidan foydalanish qoidalari to‘g‘risidagi hujjat haqida gapirib, vazirlik tadbirkorlar bilan muloqotlar davomida bu qoidalarga tegishli o‘zgartirish va qo‘shimchalar kiritish lozimligini tushunib yetganini aytdi.
“Bir hafta muddatda tadbirkorlardan olingan takliflar evaziga yangi qoidalar shakllantirishga kelishdik. Umuman, mana shu hujjatni qayta ko‘rib chiqish vaqti keldi.
Tadbirkorlik sub’yektlari tomonidan ko‘p bildiriladigan e’tirozlar ogohlantirishsiz elektr ta’minoti uzib qo‘yilganda yetkazilgan zararni kim qoplab berishi yoki zararni qoplash tartibi qandayligiga oid. Mana shu savollarga javob berish uchun elektr energiyasidan foydalanish qoidalariga o‘zgartirish kiritishimiz kerak. Energetika vazirligi mas’uli sifatida men sizlardan shunday takliflar kutib qolaman”, – dedi u tadbirkorlarga qarata.
Eslatib o‘tamiz, joriy yilning 25 yanvarida Markaziy Osiyoda blekaut ro‘y berdi. Shu jumladan, O‘zbekistonning barcha hududlari bir soatdan bir necha soat va bir necha kungacha toksiz qoldi. Avariya sabablarini aniqlashga doir hukumat komissiyasining xulosasi esa ochiqlanmay kelmoqda.
Tavsiya etamiz
Husanov nega o‘ynamayapti?
Sport | 10:00 / 01.05.2025
No Partey, no party. «Arsenal» nega yutqazdi?
Sport | 13:50 / 30.04.2025
Fuqarolarga yoshga doir pensiyani tayinlash tartibi yengillashtirilyapti
O‘zbekiston | 11:37 / 30.04.2025
Toshkentda avtobuslar konditsioneri qachon yoqiladi?
O‘zbekiston | 20:40 / 29.04.2025
So‘nggi yangiliklar
-
Filippinda yuz bergan YTHda 10 kishi halok bo‘ldi
Jahon | 01:24
-
Zelenskiy Trampdan eng kuchli qartalar to‘plamini oldi - AQSh moliya vaziri
Jahon | 00:52
-
NASA’ning ikki ayol astronavti XKS bortidan ochiq kosmosga chiqdi
Fan-texnika | 00:20
-
Payariq hokimining ta’qibi ortidan qamalgan tadbirkorni Oliy sud ozod qildi
O‘zbekiston | 23:37 / 01.05.2025
Mavzuga oid

21:18 / 29.04.2025
Ispaniyada blekaut sabab besh kishi halok bo‘ldi

12:10 / 29.04.2025
Ispaniyada blekaut sababli favqulodda holat joriy qilindi

14:14 / 26.02.2025
Chilida butun mamlakat bo‘ylab blekaut yuz berdi

19:30 / 10.02.2025