Fanlar akademiyasi instituti olimlari tomonidan mobil gibrid quyosh-yonilg‘i elektr stansiyasi ishlab chiqildi

Fanlar akademiyasi xabariga ko‘ra, mobil gibrid quyosh-yonilg‘i elektr stansiyasi olis aholi punktlari va fermer xo‘jaliklarida avtonom elektr energiyasi va suv ta'minoti, chorva mollarini sug‘orish va tomchilab sug‘orish tizimlarida ishlatilishi mumkin. 

Qurilma yengil avtomashinaga tirkama orqali ulab harakatlantiriladi. U quyosh energiyasi va benzin yonilg‘isi bilan ishlaydi, elektr uzatish liniyalari tortishga ehtiyoj bo‘lmaydi.

Mobil gibrid quyosh-yonilg‘i elektr stansiyasi ish jarayonida mobil ilova va internetga ulangan sim karta orqali masofadan turib boshqariladi.