16:19 / 16.07.2022
3193
O‘zbekistonda aholini zilzila paytida to‘g‘ri harakat qilishga o‘rgatish uchun mo‘ljallangan ilova yaratildi

Favqulodda vaziyatlar vazirligi Akademiyasi huzuridagi Fuqaro muhofazasi instituti tomonidan zilzilada aholining barcha qatlamini to‘g‘ri harakat qilishga o‘rgatishga mo‘ljallangan mobil ilova (Zilzila Mobile) yaratildi. Bu haqda vazirlik matbuot xizmati vakili Kun.uz’ga xabar berdi.

Ta’kidlanishicha, yangi mobil ilova keng jamoatchilik tomonidan bepul yuklab olish uchun joriy yilning 11 iyul kuni Google play (Play Market) platformasiga (Zilzila Mobile) nomi bilan joylashtirilgan.

«Zilzilada aholi barcha qatlamlarini to‘g‘ri harakatlanishga o‘rgatish uchun mo‘ljallangan interaktiv mobil ilovadan foydalanish uchun Play Market platformasidan ushbu mobil ilovani Android tizimda ishlovchi mobil telefonlarga yuklab olish talab etiladi. Yuklab olingan ilova o‘rnatilganidan so‘ng foydalanuvchi uchun qulay bo‘lgan til tanlanadi. Ilovada uchta tilda (o‘zbek, rus, ingliz) ishlash imkoniyati yaratilgan», – deyiladi xabarda.

Mavzuga oid
Top