Transport vazirligi Rossiyaga avtobus qatnovlarida yo‘lovchilar xavfsizligi qanday ta’minlanishini tushuntirdi

Qayd etilishicha, Rossiya shaharlariga yo‘nalishlarda qatnovlar “Uzautotrans service” MChJ korxonasining “Yutong” rusumli avtobuslarida amalga oshiriladi. Yo‘nalishga chiqayotgan har bir avtobusga 3 nafardan haydovchi biriktirilgan. 

“Yo‘nalishlarga chiqishdan oldin har bir haydovchi tibbiy ko‘rikdan, avtobuslar esa texnik ko‘rikdan o‘tkaziladi. Qatnov davomida har to‘rt soatda haydovchilar almashadi”, deyiladi vazirlik xabarida.

Transport vazirligi tomonidan quyidagi xalqaro yo‘nalishlarda muntazam avtobus qatnovlari qayta tiklandi:

18 iyuldan boshlab Toshkent-Moskva yo‘nalishida haftaning dushanba va payshanba kunlari, chipta narxi – 1 mln so‘m;

Toshkent-Qozon yo‘nalishi, har seshanba va juma kunlari, yo‘nalish narxi - 800 ming so‘m;

20 iyuldan boshlab Toshkent–Sankt-Peterburg yo‘nalishi haftaning chorshanba va shanba kunlarida, chipta narxi - 1 mln 250 ming so‘m.