«Barselona» klasikoda yana ğolib. Benzema yöqligida «Real»ni qutqaradigan futbolçi topilmayapti

Maydon markazida ham yuqori raqobat yuzaga kelgan, Gavi, Pedri, Franka Kesse va Serxio Busketsdan taşqari Frenki de Yong ham hamon tarkibda. Unga va Memfis Depayga ketiş taklif etilmoqda, ammo bolaligidan «Barsa»ga muhabbat qöygan niderlandiyalik yarimhimoyaçi «MYu»ga ötişga rozi emas. Endi kök-anorranglilar jamoada eng katta maoş oluvçi (yiliga roppa-rosa 17 million yevro) oluvçi futbolçisini maoşni sezilarli darajada qisqartirişga köndirmoqçi, qolaversa, undan 20 million yevro qarz ham bor.

Albatta, Yongni saqlab qoliş mumkin bölgan variant ham bor. Bu la liga öyinlari uçun televizion huquqning yana bir qismini Sixth Street global investitsiya fondiga 400 million yevroga sotiş körinişidagi uçinçi iqtisodiy riçag deb ataladi. Bu holda «Barsa» yaqin 25 yillik uçun televizion huquqlarining çorak qismini sotib yuborgan böladi, ammo rahbariyat hamon ikki niderlandni sotişdan umid qilmoqda. Bu klubga nafaqat qöşimça 100 million yevro atrofida mablağ keltiradi, balki maoşlar vedomostini ança yengillaştiradi, çunki hali Robert Levandovski bilan şartnoma imzolanişi kerak, qolaversa Jyul Kunde transferi kutmoqda — kök-anorranglilar «Çelsi» bilan raqobatda yana bir futbolçini ilib ketmoqda.

Militaoning xatosi

Bu öyin uçun boşlanğiç tarkiblar e’lon qilinganida, diqqatni tortadigan jihat — Levandovski bu öyinda debyut qilişi emas, Benzemaning yöqligi edi. Fransuz hatto zayavkadan örin olmagandi, şu tufayli hujum markaziga faqat Azar varianti qolgandi. Zarurat tuğilganda bu pozitsiyada madridliklar jamoasi yarimhimoyasining yangi yuzlari bölmiş Eduard Kamavinga, Orelen Tşuameni va Federiko Valverdedan birortasi paydo bölişi mumkin edi.

Aynan urugvaylik futbolçi jamoasining öyindagi ilk xavfli vaziyatini yaratdi, u qaytgan töpga jarima maydoni taşqarisidan yöllagan zarbasi bilan darvoza ustunini poyladi. Kamavinga esa jarima maydoni içida yöq joydan öz darvozasiga gol keltirişiga bir baxya qoldi, u Gavining bosimi ostida töpni yöqotdi, ammo qulay vaziyatda töpni qabul qilib olgan Fatining zarbasi xato ketdi. Bir neça daqiqa ötib «Barsa»ning agressiv pressingi natija keltirdi. Şu kunlarda «Real» bilan şartnomani yangilagan Eder Militao bosim ostida töpni uzoqlaştirişda sustkaşlik qildi va Rafinya bu sovğadan foydalanib, töpni darvoza «töqqizligi»ga mixladi.

Bu gol qisman tasodif bilan urilgan bölsa ham, gol bölişi mantiqiy edi. Kataloniyaliklar yaxşiroq öynaşdi, Rafinya esa la liganing bölajak yulduzi maqomi uçun zayavka berdi. Şu bilan birga, braziliyalik hujumçining muvaffaqiyati madridlarni sergak torttirdi, maydonda kuraş avj oldi, birinçi bölim yakunida esa maydondagi barça futbolçilar iştirokida kiçik muştlaşuv kelib çiqdi.

Ikkinçi bölim yoppasiga öyinçi almaştirişlar bilan boşlandi, lekin bu öyin xarakteriga ta’sir körsatmadi. «Barsa» töp va hududlarni nazorat qildi. «Real» esa Çempionlar ligasi pley-offida muvaffaqiyat qozoniş uçun bunga hojat yöqligini eslatiş bilan band böldi. Ammo sinalgan retsept bu öyinda iş bermadi, Marko Asensio Lukas Vaskesning ideal uzatmasini yöqqa çiqardi. Şu bilan birga, birga bir vaziyatda Kesseni töxtatgan va Dembelening ötkir burçakka yöllagan zarbasini olib çiqqan Tibo Kurtua öyin oxiriga qadar jamoasiga mağlubiyatdan qutulib qoliş uçun imkoniyat saqlab turdi.

Ammo Mariano Dias — Benzema emas, şu tufayli u 90-daqiqada yaqqol vaziyatdan foydalana olmaydi. Mart oyida bölgani kabi «Real» fransuz hujumçisisiz klasikoda gol urmasdan yutqazdi. Ha, bu nazorat öyini, ammo Las-Vegasdagi öyindan keyin köpçilik Ispaniya çempionati startidan uç hafta ötib bölib ötadigan bahsda «Barsa» foydasiga dov tikiş haqida öylay boşladi.