Sud organlariga 1000 dan ortiq da’vo ariza kiritilib, 5 mlrddan ortiq oylik ish haqi va boshqa to‘lovlar undirildi.
2022 yilning 1-yarmida mehnat qonunchiligini buzgan 6 mingga yaqin mansabdor 12 mlrd so‘mdan ortiq jarimaga tortildi. Bu haqda AOKAda Bandlik va mehnat munosabatlari vazirligi mutasaddilari ishtirokida o‘tkazilgan matbuot anjumanida ma’lum qilindi.
Bandlik va mehnat munosabatlari vazirligiga 2022 yil 1-yarim yilligida mehnat munosabatlariga oid jami 11 ming 600 dan ortiq murojaat kelib tushgan. Shundan 6 551 tasi qanoatlantirilgan, 4 546 tasiga tushuntirish berilgan.
Yarim yilda 14 066 ta tashkilot va korxonalarda o‘rganishlar o‘tkazilgan va mehnat sohasiga oid 41 150 ta qonunbuzilish holatlari aniqlangan. Natijada, 5 935 nafar mansabdor shaxsga 12 mlrd 57 mlndan ortiq ma’muriy jarima qo‘llanilgan.
Sud organlariga 1000 dan ortiq da’vo ariza kiritilib, 5 mlrddan ortiq oylik ish haqi va boshqa to‘lovlar undirildi.
