Gazeta xodimlari oylab maoş olmayapti. Boş muharrir esa tahririyat hisobidan olingan TrailBlazer’da yuradi

Xodimlar bir neça oydan buyon maoş olmayotganliklarini tekşiriş juda osonligi, buning uçun bankdan ularning plastik kartalariga tuşgan mablağlar haqida ma’lumot oliş kifoya ekanini aytib, boş muharrirning sözlarini inkor qilişdi.

Ma’lum bölişiça, «Milliy tiklaniş» gazetasi balansida 4 ta avtomobil bor. Şulardan Gentra naşr boş muharririga xizmat avtomobili sifatida ajratilgan. Ikkita Cobalt’ning biri mas’ul kotib xizmatida, yana biri esa partiyaning qaysidir viloyatdagi tuman kengaşi balansiga ötkazib berilişi aytilgan bölsa-da, tahririyat xodimlari uni boş muharrirning hovlisida körişgan.

«Boş muharririmizning Gentra’si bor edi. Lekin bunga qanoatlanmay öziga gazetaning puliga TrailBlazer ovoldi. Özi zörğa kun körayotgan bölsak, bir söm daromadimiz bölmasa. Tahririyatda yana ikkita Cobalt bor. Yaqin kunlargaça Gentra partiya hovlisida çang bosib yotardi, u ham körinmay qoldi.

Xodimlar tinmay oyligini sörayvergaç, TrailBlazer sotuvga qöyilgani, sotilişi bilan iş haqlarimiz berilişini aytdi. Keyin esa uni garov qilib bankdan kredit olişga hujjat berilayotganini aytib, iş haqimizni erta beraman, indin beraman deb aldab yurdi. Kredit olingan taqdirda ham tahririyat balansida bir söm puli yöq. Ertaga olingan pulni xodimlarga maoş qilib beradimi yoki u boşqa qarzlarni yopişga ketadimi, noma’lum», deydi boşqa bir xodim.

Ma’lumot uçun, Telegram’dagi @UzAvtoSavdo_bot’da qayd etilişiça, TrailBlazer rusumidagi avtomobilning narxi 398 mln sömni taşkil etadi.

Gazeta boş muharririning ta’kidlaşiça, TrailBlazer 2021 yili bölib ötgan prezident saylovida foydalaniş maqsadida tahririyat mablağiga sotib olingan.

«TrailBlazer prezident sayloviga nomzod va uning işonçli vakillarini hududlardagi saylovçilar bilan uçraşuvlarga olib yuriş uçun olingan. Şu maqsadda partiya özining bitta maşinasidan foydalangan bölsa, öşa paytda bizda imkoniyat bölgani uçun tahririyatga bitta maşina olindi va bu maşinadan saylovda foydalanildi. Saylovdan keyin bu maşina tahririyat balansida bölgani uçun biz foydalanib turibmiz.

Ikkita eski maşinamiz bor,  yaroqsiz ahvolga kelib qolgan. Ular almaştirilyapti, yangi qilinyapti. Gentra partiya garajida turibdi. U ta’mirtalab maşina, avariya bölgan. Şuning uçun undan foydalanilmayapti. Şu sababli TrailBlazer’da yuribman», deydi boş muharrir.

Kun.uz manbasining aytişiça, «Milliy tiklaniş» DP MIQning 5 avgust kuni bölib ötgan yiğilişida partiya muasssisligidagi gazetani moliyaviy qöllab-quvvatlaş va moliyaviy qiyinçiliklardan çiqib ketiş çoralarini köriş masalasi muhokama qilingan hamda tahririyat balansidagi TrailBlazer’ni garovga qöyiş evaziga bankdan kredit oliş taklifi ma’qullangan. Biroq tahririyat xodimlari yiğilişdan söng 20 kundan köproq vaqt ötayotgan bölsa-da heç qanday yangilik bölmayotganini aytmoqda.

«Kredit oliş – tahririyatning  taşabbusi. «Ispolkom» qarori ijrosi keçikayotgani, partiya ustaviga köra bizga töğridan töğri budjet mablağidan pul ajratiş mumkin emasligi, partiyaning ikkilamçi hisobida mablağ yöqligi sababli bankdan kredit olib turişni taklif qildim. Partiya rahbariyati bunga rozilik bildirdi. Xudo xohlasa duşanba kuni xodimlarning keçikkan bir oylik maoşi, mukofot pullari va boşqalar beriladi. Bankdan olinadigan pul birinçi navbatda maoşlar va tipografiyadan qarzimizga yönaltiriladi. Bu unaqa fojiali narsamas-ku, nega bunça vahima qilinyapti, tuşunmayapman», dedi Mirodil Abdurahmonov Kun.uz muxbiri bilan telefon orqali suhbatda.

Manbaning qöşimça qilişiça, TrailBlazer «Milliy tiklaniş» partiyasining 2021 yilda bölib ötgan prezident saylovida iştirokini moliyalaştiriş uçun budjetdan ajratilgan mablağ, ya’ni xalqning puliga sotib olingan. Markaziy saylov komissiyasi prezident saylovida qatnaşadigan har bir siyosiy partiya uçun 3,1 mlrd sömdan ajratgandi.

Kun.uz manbalariga köra, partiya uşbu mablağlarning katta qismini özining asosiy tarğibot quroli bölgan naşr hisobiga ötkazib bergan. Biroq bu pullar tez orada sob bölgan. Xodimlar boş muharrirga olingan qimmatbaho maşina çegirib taşlanganda ham tahririyat hisobida ançagina mablağ qolişi, biroq ançadan buyon betobligini bahona qilib işga kelmayotgan boş muharrir xarajatlar haqida ma’lumot berişdan qoçayotganini aytişmoqda.

Gazetaga 2019 yildan buyon Mirodil Abdullayeviç Abdurahmonov boş muharrirlik qilib kelmoqda. 1964 yili Marğilonda tuğilgan Abdurahmonov bungaça 10 yildan köproq vaqt mobaynida «Milliy tiklaniş» partiyasiga raqib bölgan boşqa bir siyosiy partiya – ÖzLiDeP muassisligidagi «XXI asr» gazetasiga rahbarlik qilgan.

Davlat statistika qömitasi ma’lumotlar bazasida qayd etilişiça, «Milliy tiklaniş» gayetasining yagona muassisi «Milliy tiklaniş» demokratik partiyasi hisoblanadi. MÇJ şaklidagi tahririyatning ustav fondi 2 mln söm etib belgilangan.

MTDP yetakçisi Alişer Qodirov «Milliy tiklaniş» gayetasi xodimlariga bir neça oydan beri maoş berilmayotgani haqidagi savollarga javoban partiya tahririyatning moliyaviy masalalariga aralaşmasligi, bu masalada gazeta boş muharriri bilan boğlanişni tavsiya qildi.

«Milliy tiklaniş» gazetasi 1995 yil 10 iyundan buyon çop etiladi. Şu kungaça naşrning 1179 soni çiqqan. Gazetaning sönggi soni şu yil 17 avgust kuni naşrdan çiqqan. 24 avgust kuni çiqişi kerak bölgan 31-son tahririyatning bosmaxonadan qarzdor bölgani sababli çop etilmagan.