Bitta uydan kuniga 100 ta mahsulot: Andijondagi ko‘rpachilar mahallasi

Andijon tumani “Zavroq” MFY ko‘rpachilar mahallasi nomi bilan tanilgan. Mahalladagi ko‘plab xonadonlar ko‘rpa-to‘shak tayyorlash bilan shug‘ullanadi. Yo‘l bo‘yida esa tayyor mahsulotlarni sotish uchun qator do‘konlar qurilgan.

{Yii::t(}

O'tkazib yuborish 6s

O'tkazib yuborish

Bir xonadondan kuniga o‘rtacha 100 dona tayyor mahsulot ishlab chiqariladi.

“Zavroqni hunarmandlar mahallasi ham deb aytishadi. Mashinaga chiqqanda: “Ko‘rpa-to‘shak qiladigan mahallaga olib borib qo‘ying” desangiz, darrov tushunishadi.

10 kishini ish bilan ta’minlaganmiz – ular mahalladagi uyushmagan yoshlar, kelinlar, ayollar. Yarim tayyor mahsulotlarni xarid qilib, uni qayta ishlab, aholiga, chetga tayyor mahsulot qilib beramiz”, – deydi tadbirkor Muqaddas Hojimatova.

Hozirda ko‘rpa-to‘shaklar ichki va tashqi bozorda sotilmoqda. Tashqi bozorlar – Qirg‘iziston, Qozog‘iston va Rossiya.

“O‘zim shartnoma asosida o‘qiyman. Shartnoma pulimni o‘zim to‘layman. O‘zimning xarajatlarimni ham qoplayman. Umumiy hisobda kuniga 100-150 ta mahsulot chiqaramiz.

Hamma ishning o‘ziga xos mashaqqati bo‘ladi. Mehr bilan ish qilsangiz, mashaqqati ham sezilmaydi”, – deydi yosh tadbirkor.

Bir kunda 100 ta mahsulot tayyorlansa, o‘rtacha 2 million foyda ko‘riladi. Hozirda mahsulotlar eksportini kengaytirish reja qilinyapti.

Abduvali Qurbonov,
Kun.uz muxbiri.