22:41 / 09.05.2020
90913
Навоий яна коронавирусли ҳудудга айланди

Соғлиқни сақлаш вазирлиги матбуот котиби Фурқат Санаевнинг телеграм каналида беморлар қайд этилиши ва соғайиши бўйича кўрсаткичлар жадвали келтирилди.

9 май куни Ўзбекистонда коронавирусдан зарарланиш билан боғлиқ жами 24та ҳолат қайд этилди ва 22:00 ҳолатига кўра зарарланиш ҳолатлари сони 2349тани ташкил қилмоқда.

Маълум бўлишича, шу вақтгача вирусдан холи ҳудуд ҳисобланган Навоий вилоятида 6та янги зарарланиш ҳолати қайд этилган.

Шунингдек, бугун Самарқандда яна 6 кишига коронавирус ташхиси қўйилган, Тошкентда беморлар сони 12тага ошган. Бошқа ҳудудларда янги ҳолатлар қайд этилмаган.

Бугун жами 71 киши тузалди ва шу вақтгача тузалганлар сони 1846 нафарга етди. Айни вақтда шифохоналарда 493 бемор қолмоқда.

Навоийда илк ҳолатлар 31 март куни аниқланганди. Уларнинг бири 25 апрель куни тузалганди, 4 май куни иккинчи бемор ҳам соғайиб чиққан ва Навоий коронавирусдан холи ҳудудга айланганди.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top