«Sarguzaştlaringizni çet eldan ham yuborişdi». Hokimlar işdan olingan videoselektordan tafsilotlar
|20:16 / 28.09.202286 9339 min
27 sentabr kungi videoselektor yiğilişida prezident administratsiyasi rahbari Sardor Umrzoqov prezident qarori bilan beş tuman hokimi işdan olingani va Surxondaryo viloyati hokimiga intizomiy çora qöllangani haqida ma’lum qildi. U hokimlar «butun davlat tizimi va prezident jamoasini uyatga qöygani» haqida aytgan.
28 sentabr kuni Telegram-kanallarda prezident administratsiyasi rahbari Sardor Umrzoqov rahbarligidagi selektor yiğilişidan audioyozuv tarqaldi.
Unda administratsiya rahbari avvaliga Andijon viloyatidagi uç tuman hokimiga tanbeh beradi va keyin ular işdan olinganini ma’lum qiladi. Andijon tumani hokimi Abdujabbor Egamberdiyevga u fuqarolarni qanday qabul qilgani eslatiladi. Avgust oyida tuman hokimligi matbuot xizmati fuqarolar qabulidan fotosuratlar e’lon qilgan, ularda hokim va hokimlikning boşqa vakillari şiyponçada ötirişgani, oddiy odamlar esa undan bir neça metr masofada va pastroqqa qöyilgan stulda murojaatini aytayotgani aks etgan.
Yiğilişda Sardor Umurzoqov Andijon tumani hokimiga «Egamberdiyev, janobi oliylari, selektor yiğilişida ayvonda ötirmayaptilarmi?» deya kinoya bilan murojaat qilgan.
«Hamma kördi. Butun dunyoga şarmanda böldik. Ayvonda ötirib olib, masofani saqlaşni bahonasida... unday bölsa, nega sektor rahbarlarini yoningizga ötqazib qöydingiz? Fuqarolarga nisbatan hurmatsizlik, dimoğdorlik, kibr-havo. Bu nima degan gap?» — deydi Sardor Umrzoqov.
Bu holat jamoatçilik tomonidan keskin tanqid va e’tirozlarga uçragani ta’kidlangan.
«Bu butun jamiyatimiz, ijtimoiy tarmoqda qizğin muhokama va e’tirozlarga sabab böldi. Jamoatçilik oldida siz özingizni emas, Andijon tumani hokimligini emas, butun davlat tizimini, butun prezident jamoasini obrösizlantirişga olib keldingiz. Şuning uçun hurmatli prezidentimiz qaror qabul qildilar: birinçidan, siz egallab turgan lavozimingizdan bugun ozod qilinasiz, ikkinçidan, sizning bu xatti-harakatingizga huquqiy baho beriladi. Çiqib keting zaldan», — deya qayd etadi u.
Asaka tumani hokimi Mansurbek Alixonov yer ajratişdagi qonunbuzarliklar uçun jazolangan.
Mansurbek Alixonov
«Asaka tumani hokimi janob Alixonov. Yer ajratiş masalasida 56 ta qaror bilan 2 ming 390 gektar yer noqonuniy ajratilgan. 2021—2022 yillarda, bir yarim yilning içida, yer bilan boğliq noqonuniy holatlar böyiça 15 ta jinoiy iş qözğatilgan. Niğmatilla Tölqinoviç (boş prokuror Niğmatilla Yöldoşev), şunday, ha? Şuning uçun bugun prezidentimizning qarorlari bilan siz ham lavozimingizdan ozod etilasiz. Çiqib keting zaldan, bu zalda ötirişga haqqingiz yöq», — degan administarsiya rahbari.
Mavzuga oid
Andijon viloyatining Paxtaobod tumani hokimi Elyorbek Usmonov esa imtiyozli kreditlar ajratişdagi kamçiliklar tufayli işdan olingan.
Elyorbek Usmonov
«Paxtaobod tumani hokimi Usmonov janoblari. «Har bir oila — tadbirkor» dasturi doirasida «Barlos asali» fermer xöjaligiga çorva hayvonlari uçun 4 milliard 800 million sömlik 291 ta imtiyozli kredit berilgan. Sizning topşiriğingiz bilan. Hozir qöylar fuqarolarga haqiqatan yetkazib berilgani va boşqa holatlar örganilmoqda. Alohida tekşiriş bölyapti. Bu öz yöliga.
Boşqa holatlar ham bor. Ular dalil-isboti bilan, rasmi bilan, audiosi bilan mening stolimda turibdi hozir. Bugun hurmatli prezidentimiz topşiriği bilan siz lavozimingizdan ozod etilasiz. Zaldan çiqib keting», — degan Sardor Umrzoqov.
U Andijon viloyati hokimi Şuhrat Abdurahmonovga yuzlanib, mazkur 3 nafar hokimning masalasini tezkor hal qiliş böyiça topşiriq bergan.
«Bularning binodan çiqib ketişida guvohnomasini olib qöysin. Şarmanda qilib, binodan çiqarib yuborsin, ikkinçi yaqinlaştirmasin», — degan u.
Şundan keyin Farğona tuman hokimi Şuhratjon Möminov mikrofonga çaqirilgan. U yer munosabatlarini tartibga solişga oid qonunçilik hujjatlariga rioya etmagani, faoliyatida yöl qöygan boşqa jiddiy qonunbuziliş holatlari uçun egallab turgan lavozimidan ozod etilgan.
Şuhratjon Möminov
«Siz ham juda yaxşi bilasiz, alohida jinoyat işi qözğatilgan. Tendersiz yer maydonlarini ajratiş böyiça qarorlar çiqarilgan sizning tumaningizda. Unumdor bölgan 25 gektardan köp yer maydonini biriktiriş evaziga nimalar bölganini ham juda yaxşi bilasiz», — degan u.
Administratsiya rahbari Şuhratjon Möminovga murojaat qilar ekan, unga yozmasa ham bölişini, kitobçani yopib, ruçkani çöntagiga solişini aytgan.
«Janob Möminov, yozmasangiz ham böladi, kitobçangizni yoping, ruçkangizni kistangizga soling. Hurmatli prezidentimizning bugungi qarorlari bilan Farğona tumani hokimi Möminov egallab turgan lavozimidan ozod etildi. Zaldan çiqib keting. Xayrulla Hayitboyeviç, guvohnomasini topşirsin. Hali uning jinoiy javobgarlikka tortiliş-tortilmaslik masalasi böyiça ikki haftada gaplaşamiz», — dedi prezident administratsiyasi rahbari.
Şuningdek, Samarqand viloyati Nurobod tumanining lavozimga tayinlanganiga olti oy ham tölmagan hokimi Şerali Yöldoşev işdan olindi. U 23 avgust kuni berilgan vazifalarni öz vaqtida bajarmaganini rökaç qilib, tuman hokimligi devonxona bölimi mutaxassisini kaltaklagan.
Şerali Yöldoşev
«Yöldoşev janoblari. Yangi hokim, yarim yil ham bölmadi hali. Menimça, bu kişi «hokim degani zöravonlik qilişi kerak, hokim degani man deb turib olişi kerak, hokim degani bu bir töralarça yondaşuv bilan işlaş kerak», deb tuşunsa kerak. Yarim yillik hokimimiz, mana.
23 avgust kuni berilgan vazifalarni öz vaqtida bajarmaganini rökaç qilib, tuman hokimligi devonxona mutaxassisiga nisbatan jismoniy kuç işlatgan. U beçora devonxona xodimi xohlasa ham andişa qilganidan, tarbiyali bölganidan javob qaytarolmaydi.
Neçançi asrda yaşayapmiz? Yangi Özbekistonga munosib hokim şunday böladimi? Idora va taşkilotlar rahbarlarini qöl ostidagi xodimlarini fuqarolar oldida turli haqoratli sözlar bilan kamsitişni özingizga odat qilib olgansiz, janob Yöldoşev. Kim sizga ruxsat berdi? Özingizga, oilangizga, butun viloyatga, davlat tizimiga isnod keltirdingiz. Hamma, har bitta aytgan haqoratomuz sözlaringizning audiosi ham bor, rasşifrovkasi ham bor — hammasi turibdi. Eng ayançlisi, açinarlisi, hurmatli prezidentimiz ham şuning hammasini körib, eşitib juda ham kattiq ranjidilar.
Şuning uçun, bugun hurmatli prezidentimiz qaror qabul qildilar, siz hokimlik darajasiga munosib emassiz. Şuning uçun bugun siz lavozimingizdan ozod etilasiz. Zaldan çiqib keting, guvohnomasini olib qöyinglar çiqib ketayotganda», — degan Umrzoqov.
Bundan taşqari, Namangan viloyatiga xizmat safari paytida mehmonxonada sodir etgan nomaqbul xatti-harakatlari va faoliyatidagi boşqa kamçiliklari uçun «Özbekçorvanasl» agentligi direktori Baxtiyor Otamurodov lavozimidan ozod etilgan.
Baxtiyor Otamurodov
«Vazirlar Mahkamasi studiyasini yoqing. Janob Otamurodov, «Özbekçorvanasl» agentligi direktori. Kattakon, çiqin mikrofonga. «Butun dunyo» desak ham adaşmaymiz… Menga hatto çet eldan ham Telegram orqali sizning sarguzaştlaringizni yuborişdi. Namangan viloyatiga xizmat safarida… va hokazo va hokazo. Mayli, hammaning oldida aytmayman. Nimalar qilganingizni hamma kördi. Bu mutlaqo davlat organi, yana respublika organi rahbarining lavozimiga töğri kelmaydigan holat. Davlat tizimini siz şarmanda qilib, obrösizlantirdingiz. Mana hammaning oldida turiş munosibmi sizga? Bankda qança vaqt işlagansiz... Hurmatli prezident qarorlari bilan bugun siz ham lavozimingizdan ozod etilasiz. Çiqib keting zaldan, janob Otamurodov. Guvohnomasini qöriqçida qoldirsin», — degan Sardor Umrzoqov.
Audio oxirida prezident administratsiyasi rahbari Surxondaryo viloyati rahbari Töra Bobolovga ham murojaat qiladi. Avvalroq internetda u boşqalarni haqorat qilayotgani yozilgan audiolar tarqalgandi.
«Töra Abdiyeviç, siz özingiz ham köp tuman hokimlari va sektor rahbarlariga örnak bölmayapsiz. Men hammaning oldida bu gaplarni sizga aytişga majburman. Internetda çiqqan gaplar... montaj dedingiz, boşqa dedingiz. Hammasi ekspertiza qilindi. Hammasi özingiz aytgan gaplar...
Bugun prezidentimiz topşiriği bilan sizga intizomiy jazo çorasi sifatida oylik iş haqining 40 foizi miqdorida jarima qöllandi», — degan u.
Şundan keyin Sardor Umrzoqov prezidentning davlat xizmati va hokimiyat vakillik organlari bilan hamkorlik qiliş masalalari böyiça maslahatçisi örinbosari Qahramon Quronboyevga işçi guruh tuzib, viloyatdagi vaziyatni örganiş böyiça topşiriq bergan.
«Qahramon Qöçqoroviç, sizga topşiriq: ertagayoq guruh tuzasizlar, özingiz boş bölasiz. Umuman, ahvol yaxşi emas, tartibga soliş kerak. Kerak bölsa jinoiy javobgarlikka tortiiş kerak. Hammasini kötariş kerak, oqni oq, qorani qoraga ajratib, tartib örnatib, kim aybdor bölsa hammasini jinoiy javobgarlikka tortiş kerak. Buni Boş prokuratura ta’minlab beradi. Siz xolis baho berib qaytib kelasiz. Bir haftada menga axborot berasiz, hurmatli prezidentimizga axborot kiritamiz», — degan administratsiya rahbari.
