O‘zbekiston Respublikasi prezidenti Shavkat Mirziyoyev Qirg‘iziston Respublikasi prezidenti Sooronbay Jeenbekovning taklifiga binoan 3 sentabr kuni Qirg‘izistonga jo‘nab ketdi. Bu haqda davlat rahbari matbuot xizmati xabar bermoqda.
Davlat rahbari bugun Cho‘lpon ota shahrida bo‘lib o‘tadigan Turkiy tilli davlatlar hamkorlik kengashi sammitida ishtirok etadi.
Eslatib o‘tamiz, avvalroq Shavkat Mirziyoyev 3 sentabrda Qirg‘izistonga amaliy tashrif bilan borishi xabar berilgandi.
Turkiy tilli davlatlar hamkorlik kengashiga O‘zbekiston, Ozarboyjon, Qozog‘iston, Qirg‘iziston va Turkiya a'zo davlatlar hisoblanadi.
O‘zbekiston ushbu kengashga joriy yilning 30 aprelida rasman kirgan.
