Toshkent viloyatida zapravkadagi janjalda vafot etgani aytilgan yigit videomurojaat qildi

Toshkent viloyati Yuqori Chirchiq tumanida 26 fevral kuni metan yoqilg‘i quyish shoxobchasidagi odamlar navbat talashib, janjal ko‘tardi. Bu holat aks etgan videolar ijtimoiy tarmoqlarda tarqaldi.

Xabarlarda jabrlanuvchilardan biri vafot etgani aytilgandi.

Viloyat Ichki ishlar bosh boshqarmasi matbuot xizmati rahbari Bobur Tulyaganov dastlab bu xabarlarni rad etdi. 

Keyinroq esa o‘z telegram-kanalida jabrlanuvchining videomurojaatini joylashtirdi.

Videoda yigit hozirda ahvoli yaxshi ekanini aytib, yolg‘on xabarlar tarqatmaslikni so‘ragan. 

«Zapravkadagi holat ko‘rsatilgan videodagi bola menman. Meni o‘ldi deb tarqatib yuborishibdi. Lekin hamma joyim sog‘. Hammasi yaxshi. Unaqa video tarqatmasligingizni iltimos qilaman», deydi u.