O‘zbekiston Respublikasi prezidentining “2018/2019 o‘quv yili uchun O‘zbekiston Respublikasi Prezidenti huzuridagi Davlat boshqaruv akademiyasiga qabul qilish to‘g‘risida”gi qarori qabul qilindi.
Qaror bilan belgilanishicha, 2018/2019 o‘quv yilida Akademiyada magistrlarni “Davlat boshqaruvi” mutaxassisligi bo‘yicha tayyorlashga 60 kishi qabul qilinadi. Jumladan, davlat granti asosida 24 kishi va to‘lov-kontrakt asosida 36 kishi.
Akademiyada boshqaruv kadrlarini “Davlat boshqaruvi” mutaxassisligi bo‘yicha qayta tayyorlash kurslariga jami 120 kishi qabul qilinadi. Jumladan, davlat granti asosida 48 kishi va to‘lov-kontrakt asosida 72 kishi.
