«Vaziyatdan kelib chiqiladi» - Bosh vazir o‘rinbosari 1 avgustdan karantin cho‘zilishi ehtimoli haqida

Bosh vazir o‘rinbosari Behzod Musayev 1 avgustgacha qat'iylashtirilgan karantin muddati yana cho‘zilishi ehtimolini istisno etmadi. Bu haqda Kun.uz muxbiri xabar bermoqda.

«Karantinni avgustdan keyin yana uzaytirish masalasiga vaziyatni tahlil qilgan holda qaytiladi. Davlat rahbari tomonidan iqtisodiyotning barcha tarmoqlari ishlashi kerak, degan talab qo‘yilgan», – dedi Musayev Xalqaro press-klubning 20 iyuldagi sessiyasida.

Eslatib o‘tamiz, O‘zbekistonda epidemiologik vaziyat keskin yomonlashishi ortidan, 10 iyuldan boshlab qat'iy karantin choralari qaytarilgan edi.

Avvalroq Behzod Musayev rag‘batlantirish puli berilmagan tibbiyot xodimlariga to‘lovlar to‘lab berilishini aytgani xabar qilingandi.