Қўшимча функционаллар
-
Тунги кўриниш
Ўрта Чирчиқда газ таъминоти бўлими бош муҳандиси пора билан қўлга олинди
Бош муҳандис тумандаги нон ва қандолат маҳсулотлари ишлаб чиқариш цехини газ тармоғига улашга рухсат бериш эвазига 8 500 АҚШ доллари олганда тезкор тадбирда ушланган.
Фото: Бош прокуратура матбуот хизмати
Тошкент вилоятининг Ўрта Чирчиқ туманида газ таъминоти бўлими бош муҳандиси тезкор тадбирда қўлга тушди. Бу ҳақда Бош прокуратура матбуот хизмати хабар берди.
Маълум қилинишича, “Ўрта Чирчиқ тумангаз” газ таъминоти бўлими бош муҳандиси С.С. тезкор тадбирда 8 500 АҚШ доллари пора билан ушланган. У ушбу пулларни тумандаги нон ва қандолат маҳсулотлари ишлаб чиқариш цехини газ тармоғига улашга рухсат бериш ҳамда электрон ҳисоблагич ўрнатиш эвазига пора тариқасида олаётган бўлган.
Ҳолат юзасидан жиноят иши қўзғатилиб, туман газ таъминоти корхонаси бош муҳандиси С.С. процессуал тартибда ушланган. Ҳозирда жиноят иши бўйича дастлабки тергов ҳаракатлари олиб борилмоқда.
Аввалроқ пул эвазига қарздорликларни йўқ қилиб бермоқчи бўлган Андижонда электр тармоқлари корхонаси электромонтёри, Тошкентда сув таъминоти ташкилотининг инспектори ва Самарқандда “Ҳудудгаз” ходими тезкор тадбирларда ушлангани хабар қилинганди.
Тавсия этамиз
Сўнгги янгиликлар
-
Филиппинда юз берган ЙТҲда 10 киши ҳалок бўлди
Жаҳон | 01:24
-
Зеленский Трампдан энг кучли қарталар тўпламини олди — АҚШ молия вазири
Жаҳон | 00:52
-
NASA’нинг икки аёл астронавти ХКС бортидан очиқ космосга чиқди
Фан-техника | 00:20
-
Пайариқ ҳокимининг таъқиби ортидан қамалган тадбиркорни Олий суд озод қилди
Ўзбекистон | 23:37 / 01.05.2025
Мавзуга оид
15:20 / 01.05.2025
Газ қуйиш шохобчаларида метан нархи 5200 сўмгача қимматлашди
11:55 / 28.04.2025
Электр ва газ қурилмаларини ўрнатиш тартиби ўзгартирилди
12:36 / 24.04.2025
Жанубий Кореянинг собиқ президенти порахўрликда айбланмоқда
10:53 / 22.04.2025
Жомбой тумани ФВБ бошлиғи пора билан ушланди
