Ўзбекистон шаҳарларидан Мадинага жами 124 та чартер авиақатнови ва 15 130 нафар йўловчи ташуви амалга оширилади.
2024 йил 23 май куни «Ҳаж-2024» дастури доирасида Uzbekistan Airways авиакомпаниясининг Тошкент - Мадина йўналишидаги биринчи авиақатнови Тошкент вақти билан соат 1:40 да жўнаб кетди.
Ўзбекистон Республикаси шаҳарларидан Мадина шаҳрига жами 124 та чартер авиақатнови ва 15 130 нафар йўловчи ташуви амалга оширилади.
Uzbekistan Airways Ўзбекистон Мусулмонлари идорасининг «Ҳаж-2024» дастури бўйича расмий ҳамкори ҳисобланади.
Аввалроқ Ўзбекистонда Ҳаж мавсуми 2024 йил 23 майдан бошланиши хабар қилинганди. Республикадан Саудия Арабистонига шу йил 7 июнга қадар ҳар куни авиақатновлар амалга оширилади.
Мамлакатнинг 10 та ҳудудий аэропортидан тўғридан тўғри Тошкент-Мадина, Бухоро-Мадина, Наманган-Мадина, Фарғона-Мадина, Самарқанд-Мадина, Қарши-Мадина, Термиз-Мадина, Урганч-Мадина, Нукус-Мадина ва Навоий-Мадина авиарейслари орқали зиёратчилар ҳаж сафарига кузатилади. Барча парвозлар Uzbekistan Airways авиакомпанияси томонидан амалга оширилади.
