«Биз янги C8 форматини — бизни ва Европадаги қўшниларимизни: Руминия, Сербия, Полша, Словакия, Чехия, Австрия, Венгрия ва, албатта, бутун Европа Иттифоқини бирлаштирадиган Карпат саккизлигини ишга туширмоқдамиз», деди у.
Зеленскийнинг сўзларига кўра, янги формат Карпат минтақасидаги давлатлар, ҳудудлар ва маҳаллий жамоаларни бирлаштириши керак. C8 иштирокчилари хавфсизлик, энергетика, логистика ва трансчегаравий иқтисодиёт соҳаларида ҳамкорлик қилишни режалаштирмоқда.
«Карпат саккизлиги»нинг биринчи саммити 18 сентябр куни Украинанинг Ивано-Франкивск вилоятида бошланди. Унда Полша бош вазири Доналд Туск, шунингдек, Сербия ва Руминия президентлари Александр Вучич ва Никушор Дан иштирок этмоқда.
Бир кун аввал Украинага ташриф буюрмоқчи эканлигини айтган Словакия бош вазири Роберт Фицо саммитга келмади. «Европейская правда» нашрининг маълум қилишича, Словакия учрашувда пастроқ дипломатик даражада вакиллик қилмоқда.
Шунингдек, саммитда 550 га яқин бизнес вакили иштирок этиши, унинг якунлари бўйича эса бир миллиард евролик инвестиция ва савдо шартномалари имзоланиши кутилмоқда, деди Зеленский.
