Kun.uz'га Тошкент давлат юридик университетида супер контракт асосида ўқимоқчи бўлган абитуриент мурожаат қилди.
Унинг сўзларига кўра, бу йил ўқишга топшириб, контракт асосида ўзи танлаган 4-олийгоҳга қабул қилинган. Лекин у супер контракт асосида ўз рўйхатидаги 1-ОТМ – Тошкент давлат юридик университетида ўқимоқчи бўлган.
Абитуриент ТДЮУнинг юриспруденция йўналиши, кундузги таълим шакли, рус гуруҳига ўқишга топширган. Бу йўналишда ўтиш балли 159,6 балл бўлган. Абитуриент эса 155,6 балл тўплаган. Бу йўналишга кириш учун унга роппа-роса 4 балл етмаган.
“1-танлаган ОТМга мурожаат қилганимда улар мен супер контракт асосида контрактнинг 3 баравар миқдорини тўлаб, ўқий олмаслигимни, 19 баравар контракт тўлашим кераклигини ёки ҳозирги кирган ОТМда ўқишим кераклигини айтмоқда”, – дейди абитуриент.
Унга университет томонидан берилган тўлов контракт шартномасининг 2.2 бандида “ушбу контракт бўйича таълим олувчини бир йиллик ўқитиш учун тўлов 317,205,000.00 сўмни (стипендиясиз) ташкил этиши” белгиланган.
Аммо 2.3 бандида таълим муассасасида қўшимча қабул Давлат комиссияси томонидан белгиланадиган минимал баллдан кам бўлмаган ва асосий қабул чегараларига 4 баллгача етмаган абитуриентлар орасидан баллар кетма-кетлигига қатъий риоя қилинган ҳолда амалга оширилиши назарда тутилган. Табақалаштирилган тўлов-контракт миқдори амалда ўрнатилган тўлов-контракт миқдорига нисбатан қуйидаги миқдорларда белгиланади:
- тўплаган баллари тасдиқланган тўлов-контракт бўйича қабул квоталари чегарасига бир баллгача етмаган абитуриентлар учун — 1,5 баробар;
- 1,1 баллдан 2 баллгача етмаганлар учун — 2,0 баробар;
- 2,1 баллдан 3 баллгача етмаганлар учун — 2,5 баробар;
- 3,1 баллдан 4 баллгача етмаганлар учун — 3,0 баробар.
Юридик университет эълон қилган 2024-2025 ўқув йили учун тўлов контракт миқдорлари ҳақидаги хабарда келтирилишича, кундузги таълим шакли учун контракт суммаси 16 695 000 сўм этиб белгиланган. Демак, агар юқоридаги кейсда абитуриентга 4 балл етмаган ҳолда у контрактнинг 3 баробари, яъни
