Японияда йўловчи поезди ўз йўлидан чиқиб кетди

18 май куни Япониянинг Итабаси туманида йўловчи поезди ўз рельсидан чиқиб кетди. Маҳаллий ҳуқуқ-тартибот идоралари хабарига кўра, фалокат оқибатида ҳеч ким жабрланмаган.

“Тобудзе” темир йўлидаги ҳар иккала ҳаракат ҳам тўхтатилган. Айни дамда вагонларнинг рельсдан чиқиб кетишига нима сабаб бўлгани ҳақида аниқ маълумотлар келтирилмаган. Воқеа жойида қутқарувчилар иш олиб бормоқда. Поезддаги барча йўловчиларни эвакуация қилишга муваффақ бўлинган.