Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 01:17 / 21.05.2016
    27825
    1 дақиқада ўқилади

    Интернетда Тошкентнинг Муқимий кўчаси бўйича ўтувчи янги кўприк макети пайдо бўлди

    Тошкентда жорий йилнинг сентябрь ойигача янги халқа йўлида барпо этиладиган учта кўприк пайдо бўлади. Shosh.uz сайтида Шота Руставели ва Муқимий кўчалари кесишган жойдаги бундай кўприклардан бирининг макети намойиш қилинди.

    Айни вақтда Муқимий кўчасида қурилиш ишлари давом этмоқда. Бу ерда бўлажак кўприкнинг пойдевори қўйилмоқда. Якуний босқичда кўприкнинг бир қисми жойлашадиган Ш.Руставели кўчасидан Бобур кўчасигача давом этувчи янги йўл қурилади.

    Учинчи ҳалқа йўли Тошкентнинг марказий қисмида  пайдо бўлади, бунинг учун янги Нурафшон кўчасининг Беруний кўчасидан Шароф Рашидов кўчасигача қисмида янги йўлдан фойдаланилади. Тошкент ҳокими Раҳмонбек Усмоновнинг айтишича, барча ишларни 2016 йилнинг сентябрига якунлаш  мўлжалланган. Шунингдек, Бунёдкор шоҳкўчасида (Муқимий кўчаси билан кесишган жойида) ва Оқтепа майдонида ҳам кўприк қурилишлари олиб борилмоқда.