Туркия шарқидаги Ван вилояти ҳудудида рўй берган портлаш оқибатида 3 киши ҳалок бўлган, 71 киши жароҳатланган.
Анадолу агентлиги маълумотига кўра, Туркиянинг Эрон билан чегараси яқинида автомобилга ўрнатилган портловчи қурилма ҳаракатга келтирилган. Ҳужум нишони полиция маҳкамаси бўлган.
"71 киши жароҳатланган, уларнинг 17 нафари — полициячилар. Жароҳатланганларнинг яна 3 нафари оғир аҳволда", — деган "Адолат ва тараққиёт партияси"нинг Ван вилоятидаги вакили Захир Соганда.
Маҳаллий амалдорлар маълумотига кўра, бу теракт Курдистон ишчилар партияси (КИП) томонидан амалга оширилган.
