Цукерберг Facebook Messenger ва WhatsApp'ни бирлаштирмоқчи эмас

Facebook ижтимоий тармоғи раҳбари Марк Цукерберг WhatsApp (Facebook'га тегишли) ва Messenger'ни бирлаштирмоқчи эмас. 

Ижтимоий тармоқ яратувчисининг айтишича, сервислар турли кўринишдаги мулоқот учун мўлжалланган. 

Цукербергнинг фикрича, WhatsApp яқинлар билан мулоқот қилиш, Messenger эса шунчаки танишлар билан суҳбатлашишга мўлжалланган. 

"Сиз танишлар билан у қадар яқин эмассиз, шу боис улар билан WhatsApp орқали мулоқот қилмайсиз. Бироқ туғилган кунларида уларни табриклаб, ҳол-аҳвол сўрагингиз келади", - дея изоҳ беради Facebook асосчиси. 

"Уларнинг алоҳида хизмат кўрсатишини тўғри, деб ҳисоблайман", - таъкидлади Цукерберг Нигерияга қилган ташрифи давомида.