Россия президенти Владимир Путин Самарқандга ташрифи вақтида Ўзбекистоннинг биринчи президенти Ислом Каримовнинг беваси Татьяна Каримова ҳамда кичик қизи Лола Каримова-Тиллаевага шахсан ҳамдардлик билдирди.
Путин Ўзбекистон бош вазири Шавкат Мирзиёев билан биргаликда Ислом Каримовни хотирлади. У марҳумнинг қабри олдида тиз чўккан ҳолда қизил атиргулларни қабр устига қўйди.
2 сентябрь куни кечқурун мамлакатнинг биринчи президенти Ислом Каримов вафот этганди. Марҳум 3 сентябрь, шанба куни, ўз васиятига кўра, Самарқанддаги Шоҳи-Зинда мажмуасидаги Ҳазрати Ҳизр қабристонида мусулмон урф-одатларига кўра дафн этилди.
Дафн маросимини ташкиллаштириш бўйича комиссияга Ўзбекистон Бош вазири Шавкат Мирзиёев раҳбарлик қилди.
3 сентябрдан бошлаб Ўзбекистонда 3 кунлик мотам эълон қилинди.
Мамлакат конституциясига мувофиқ, президент сайловлари бошлангунига қадар Сенат раиси Ниғматулла Йўлдошев Ўзбекистон президенти вазифасини бажаришга киришади.
Президентлик сайлови декабрь ойининг биринчи қисмида ўтказилиши кутилмоқда.
