Ўзбекистон бош прокурорининг янги ўринбосари тайинланди

Ўзбекистон Президенти мажбуриятларини бажараётган Шавкат Мирзиёев 14 сентябрда Ўзбекистон бош прокурорининг янги ўринбосарини тайинлади.  

Мирзиёев фармонига кўра, бу лавозимга Муротжон Азимов тайинланди.

Бунгача Азимов Бухоро вилояти прокуратурасини бошқариб келган. 

Бундан олдинроқ, Ўктамжон Саидов беш йил муддатга Сурхондарё вилояти прокурори этиб тайинлангани ҳақида хабар қилинганди. Сурхондарёнинг собиқ прокурори Ботир Қудратхўжаев август ойида Тошкент шаҳри прокурори этиб тайинланган.