ОАВ: россиялик хакерлар Amazon, Ebay, Uber ва яна 82 та компанияга ҳужум қилганлар

Россиялик хакерлар 85 та компанияга киберҳужумлар содир этганлар. Улар орасида Amazon, American Airlines, Best Buy, Wells Fargo, DropBox, Dunking Donuts, Ebay, Uber, McDonald's, PayPal, Pizza Hut, Steam ва Apple Pay каби компаниялар бор. Ҳужумлардан мақсад мижозлар ҳақида маълумотларни олиш бўлган, деб хабар бермоқда интернетда хавфсизликни таъминлаш бўйича хусусий гуруҳ маълумотларига иқтибос келтирган ҳолда Epoch Times. 

Маълум қилинишича, хакерлар ўз чатларида русчалаб мулоқот қилганлар ва ҳужумларда Россия серверларидан фойдаланганлар. Шунингдек, хакерлар давлат тузилмалари билан боғланмаган бўлишлари тахмин қилинмоқда.

Терговчилар маълумотларига кўра, хакерлар компанияларнинг мижозлари ҳақидаги паролларни тиклаш учун зарур бўлган шахсий маълумот ва уларнинг кредит карталари рақамлари ҳақидаги маълумотларни қўлга киритганлар.