Бағдодда портлаш юз бериши оқибатида 6 киши ҳалок бўлиб, 18 киши жароҳатланди

Ироқ пойтахти Бағдод шаҳри ғарбида портлаш содир этилиши оқибатида 6 киши ҳалок бўлиб, камида 18 киши жароҳатланди.

"Теракт худкуш террорчи воситасида содир этилган. У Искан туманида аҳоли гавжум ҳудудга ҳужум қилган, натижада 6 киши ҳалок бўлиб, 18 киши жароҳатланган", деган манба.

Искан тумани шиалар кўп истиқомат қилувчи ҳудуд ҳисобланади.

Бу теракт учун жавобгарликни ҳозирча ҳеч бир ташкилот ўз зиммасига олмади. Одатда Ироқдаги шиалар истиқомат қилувчи ҳудудларга ИШИД томонидан ҳужумлар содир этилади.