Гаитида «Мэттью» довули қурбонлари сони 339 нафарга етди. Бу ҳақда маҳаллий ҳукуматга таяниб Reuters агентлиги маълум қилган.
«Мэттью» довулининг тезлиги соатига 210 километрни ташкил этмоқда. Унинг кучи тўртинчи даража (мавжуд 5 даражадан - таҳр.) билан баҳоланган.
Довул АҚШ жануби томонга ҳаракатланаётганлиги таъкидланмоқда. У биринчи бўлиб Флорида штатига зарба беради. Штатнинг энг йирик шаҳри — Жексонвилл мэри аҳолини эвакуация қилишга чақирди.
