"Мерседес" жамоасининг британиялик пойгачиси Льюис Хэмилтон "Формула-1" пойгасининг АҚШ Гран-Присида маррага биринчи бўлиб етиб келди. Мусобақа Техас штатининг Остин шаҳридаги автодромда бўлиб ўтди.
Хэмилтон 56 даврани 1 соат 38 дақиқа 12,618 сонияда босиб ўтиб, пойга ғолиби бўлди. Унинг жамоадоши, немис Нико Росберг маррага 4,520 сонияга кечроқ келди. "Ред Булл" аъзоси Даниэль Риккярдо етакчидан 19,692 сония ортда қолиб, 3-ўринни эгаллади.
Пойганинг кейинги босқичи Мехикода 28-30 октябрда бўлиб ўтади.