Формула-1: Хэмилтон Россия босқичида ғолиб бўлди

“Мерседес” жамоасининг аъзоси Льюис Хэмилтон “Формула-1” автопойгасининг 16-босқичи – Сочида ўтган Россия гран-присида ғолиб бўлди. 

2-ўринни унинг жамоадоши Вальттери Боттас, 3-ўринни “Феррари” вакили Шарль Леклер эгаллади.

Хэмилтон 6-марта ўтказилган Россия гран-присида 4-марта ғалаба қозонди. Аввал у бу трассада 2014, 2015 ва 2018 йилларда зафар қучган.

Умумий ҳисобда Хэмилтон 322 очко билан пешқадамлик қилмоқда. 2-ўринни Боттас (249 очко) ва 3-ўринни Леклер (215 очко) эгалламоқда. 

Пойганинг кейинги босқичи 11-13 октябрда Япониядаги Сузука трассасида бўлиб ўтади.