АҚШ 2,7 миллиард долларлик сув ости кемасини қўлга киритди

Фото: Reuters

АҚШда ҳарбий денгиз кучларининг (ҲДК) "Иллинойс" атом сув ости кемасини эксплуатацияга киритиш маросими бўлиб ўтди. Бу ҳақида UPI нашри хабар берди. Манбада кўрсатилишича, кема қурилиши беш йил давом этган, сув ости кемасининг баҳоси 2,7 миллиард долларни ташкил қилган. Сув ости кемаларининг бундай тури қирғоқ операциялари ва чуқурликдаги ҳарбий ҳаракатларга қаршилик кўрсатишга мўлжалланган. Эксплуатацияга киритиш маросимида мамлакатнинг биринчи рақамли хоними Мишель Обама иштирок этди.