Одил Аҳмедов расман янги жамоага ўтди

«Краснодар» футбол клуби ярим ҳимоячиси ўзбекистонлик Одил Аҳмедов Хитойнинг “Шанхай СИПГ” клубига ўтди. Ўзбекистон терма жамоаси сардори рус клубида 2014 йилдан бери тўп сурган. Бу ҳақда Tribuna.uz ёзмоқда.

Краснодарликлар жамоаси расмий сайти маълумотига кўра, Одил Аҳмедов Хитойнинг “Шанхай СИПГ” клубига ўтган. У энди Халк ва Оскар билан бирга тўп суради. Жамоага эса Виллаш-Боаш мураббийлик қилади.

Бундан олдинги хабарларда футболчининг трансфер қиймати 7 миллион евродан ортиқлиги айтилганди.

Аҳмедов Россия футбол премьер-лигасининг жорий мавсумида 14 учрашувда иштирок этиб, битта голли узатмага муаллифлик қилган.